الأمير الشاعر خالد بن يزيد

تعبت يدي من كثر ما أقدّم الساعه

ودي تجي قبل الوعد يا منا الروح

كم مرةٍ أخرت أنا ساعتي ساعه

أكذب عليك إلا نويت انت بتروح

ما أخبر أنا نفسي يالعذب طماعه

إلا معاك يا مداوي الجرح بجروح

فضول فكري عجزت أقوى عن اشباعه

من هالخيال البعيد معذب المذبوح

خلا حياتي حياةٍ شبه مرتاعه

لين اطمئنت دقايق عاودت للنوح

لك مني الصبر والكتمان والطاعه

عطني الأمل لو تجافي وتعتذر مسموح