وبدأت أيام العيد السعيد ، عيد الفطر المبارك ، فكل عام وانتم بخير وسعادة .. وكل عام وانتم بخير ورضا وفرح مستديم لا ينقطع .
انتهى شهر رمضان المبارك.. انتهى شهر التقوى والقيام والصبر والجوع والتعب
انتهى شهر رمضان المبارك.. انتهى شهر كانت فيه قلوب عظيمه لم تنم ولم وترتاح ..
انتهى شهر كانت فيه قلوب ظلت واقفه تجهز وتطهو وتنظف وتبتسم ..
انتهى شهر كانت فيه قلوب قدمت ما لا يقدر بثمن ..
انتهى شهر كانت فيه قلوب امهات واخوات وزوجات ضحين براحتهم عشان يسعدن غيرهم
وهم صايمين متعبين مرهقين.. ومع هذا كله ما تراهم قد وقفوا ولا تراجعوا ولا حتى اشتكوا
كم من واحدة ..
كم من واحدة .. منهم كانت ترجع من دوام او دراسه
وتدخل المطبخ مباشره.. وهي ما ذاقت النوم.. ولا جلست دقيقه
فقط لأجل الكل يكون مبسوط
كم من واحدة .. منهم كبر سنها
وتعب جسدها.. لكن ما قدرت تشوف المطبخ فاضي
ولا ترضى تشوف السفرة ناقصه
كم من واحدة .. لها في قلبها نيه طيبه.. وفي وجهها نور
كم من واحدة .. في يدها عطاء ما ينتهي
ومع هذا ؟؟
بعضهن لم يسلموا من تعليقات جارحه مثل :
ليش ما سويتي
ليش ما خلصتي
ليش تأخرتي
وكأنهم ما بذلوا
ولا تعبوا
ولا وقفوا وقفات بين نيران هذا المطابخ في ساعات الصيام والجوع والعطش ..
كلمة الشكر في حقهم قليله ..
والثناء اقل بكثير من اللي يستحقونه
ولكن ندعوا الله لهم ..
ندعوا الله .. لقلوبهم اللي ما ملت العطاء
ندعوا الله .. لاجسادهم اللي انهكتها المسؤوليه
ندعوا الله .. لنفوسهم اللي ما شكت ولا جزعت
ندعوا الله .. يا رب ..
احفظهم وارزقهم راحه وسعادة وعافيه
وادم وجودهم فوق رؤوسنا
واجمعنا وأياهم في أشهر من رمضان مقبله
واعوام مديده
وأزمنة مديدة جميلة لا تخلو منهم ابدا
وكل عام وأنتم بخير..
