لو كنت مثلي تحترق شوق وأكثر
(ما كان تقوى هالفراق وحنينه)
عزّاه يا قلبٍ نصاااك وتعّثر
يرجي بدربك يقطف الياسمينه
وعّزاه ياعيني عذابك مقدر
ومكتوب ترضين العنا من يدينه
من بعد ما مني تمكّن تكّبر
خذه الغرور وصار يرفع جبينه
يا صاحبي دنياك وإن كان تزهر
الزْهر ما يحيا بلا أكسجينه
ويا صاحبي عالبعد إن كنت تقدر
بالبعد (بتحس بمشاعر دفينه)
بتجيبك الخطوات من شوق وأكثر
بتجيني تشكي قلب يصرخ..حنينه
ما أقول أبرفضك بكبر أو أبغتر
لكن باقول الحب.. تحيا سنينه
