حاولت أقاوم هاجسي قدر الإمكان
وسهيت مع هاجوسي اللي سهابك
خذيني طير مهاجر ولاله اوطان
وكوني وطن واروي ضماي بسحابك
كوني سماي بضيقتي وقت الاحزان
واستوعبيني بشتكي من عذابك
قلبي طفل عاش اليتم قبل الاوان
وشاء القدر باخر زمانه وجابك
ابي عمر ثاني أعيشه من الان
واعوض اللي فاتني باللقا بك
جفت عروقي كلها جف الأغصان
واستلهمك غصن الغلا وارتوى بك
الليل من اسمك خذى كل الألحان
ليلى وغنى بك شجن وإبتدابك
ملاك مخلوقة على هيئة انسان
الله من أوصاف الجمال انتقابك
لا تفتنيني عابثة بالهوى كان
مالي امل الا الأمل في سرابك
تعالي نجمع شوقنا بين الأحضان
ونسمع كلام قلوبنا ونتشابك
