الجوهرة

الجوهرة

الثلاثاء ٠٩ / ٠٧ / ٢٠١٩
يا سعود فأمّك تستحق المواساه

أم الشرف وأم الحياء والعفافي


وأم النقاء وأم العباة المغطّاه

اللي تلحّفها جسدها لحافي

وأم الرجال أهل المواجيب والجاه

والسيرة اللي ما عليها اختلافي

الجوهرة بالاسم شكله ومعناه

والمعدن الصافي من الساس صافي

يحق لك تحزن ولا تخفي الآااه

وأكيد دمع العين ما هوب كافي

الله يجازيها بعفوه وحسناه

نهار تعرض فيه بِيض الصحافي

ويعوْضها عن صبرها والمعاناه

ويجعل لها قدّام بابه ملافي

وانته واخوك اللي يمينك بيمناه

نرفع لكم صادق عزانا مضافي

ومحمد الوافي نخصه وننصاه

ونقول له بِرّك ومشهدك كافي

خضير البرّاق
المزيد من المقالات