أتمثلك في كلٍ طيف.. وألقاك في قسمات ضيف
كل المشاعر له تقول.. حنا هلك
أجهلك.. ولي سنين اتخيلك
ألقاك في بعض الوجيه.. ويمرني طيفك واجيه
يا باكر اللي أجهله.. أرقتني الأسئلة
وابطى العمر يستعجلك..
أجهلك.. ولي سنين اتخيلك
بالعيوب وبالمزايا.. بالألم
لامن هجرتي يجتاحبي ضلوعي وحنايا
اتخيل شكوكك وظنك.. اتخيل التقصير منك
حتى الجفى اتخيله.. وكيف انا باتحمله.. واتحملك
أجهلك.. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته.. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في أعاصيري وسكوني
في الجبال الشاهقة في اجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملامح
بالنهار في بسمته.. بالضيا اللي في وروده
بالعبوس في غضبته.. بالتضاريس وحدوده
من جنوحه في البها.. لين أقصى نقطة في كاسر جماله
للعذوبة.. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمرٍ قاد في ثغرك
وجهك اللي ما أبد يوم لمحته.. أو عرفته
لي سنين اتخيله.. واتخيلك
ياللي كلي بك معرفة.. واجهلك
ما أصعبك.. كيف ألاقيك
ما أسهلك.. لو ألاقيك
ياللي دوم اتخيلك
مملكة حسن الزمن
وانا الملك
