رد الشاعر خضير البراق:

مرحبا بالوافي اللي مسكنه باعياني كل ما دوّرت مثله ما لقيت أجناسه زيد بن راجح عريب الخال والجداني والفتى منشاه من ساسه ومن مغراسه صاحبٍ نادر وفي شعره يثير اشجاني يفهم احساسي وانا فاهم واعرف احساسه كل ما حرّك شعوره هاجسٍ ناجاني مثل ما اناجيه وأستلهم مثل هوجاسه كن ابو راجح يقيس النبض في شرياني ويتحسن نبض شرياني ليا من قاسه يبو راجح لا تطرّي قصة الحرماني وأنت خابر لك رفيق وخابرٍ مجلاسه عندك أسراره وعندك كامل العنواني وان زهمته جاك كله والوفا نبراسه موتره جاهز وهو جاهز على «السكّاني» ينتظر منك الإشارة وأنت راع الطاسه أنت شفقانٍ على الطرقه وهو شفقاني والبحر من غادر اكواخه يطير عماسه فكّني يا زيد من طوقٍ يهد امتاني وانتشلني من غثا وقتٍ يحد امواسه وأنت راع الفضل والمعروف والاحساني كان ترجمت الشعور اللي على الكراسه