لآلئ شعرية

العلم راس وعلمنا يرفع الراس والمرجلة غبة بحر ما لها قيش إما تعيش تسولف باسمك الناس وإلا حرام من الأساس إنك تعيش بعض الأوادم حبها ما له قياس تدخل قلوب الناس من غير تفتيش في كل بطولة مرجلة تاخذ الكاس واليا انتخيت بذكرها روسها تشيش وبعض الاوادم ما بها من الله إحساس رفقة ردا تعشق حياة التهاميش ما ردها لا طيب أصلٍ ولا ساس مسترزقه على ظهور الدراويش سود الليالي اتطلب قوي باس اللي إلا منه فزع يركبه طيش ما يحسب الصعبة ولا يعرف الياس ولا يخاف بدنيته لقمة العيش هذاك لو إنه مشى فوق الأتعاس امشي معه من غير ما تسأله ليش؟ ناسٍ ينومس ذكرها كل نوماس هذي لها قلوب النشامى معاطيش واللي فرق بعيوننا ناس عن ناس إن في بشر معنا حرام إنها تعيش لو تكشخ وترتز في كل مجلاس يا كثرهم أهل الوعايد على ميش الطيب ثوبٍ ما زهى كل لباس ولا تستر عيوب العفون الدشاديش إذا وطيت أوطى على روس الأنجاس وإذا طلعت اطلع مع أول الجيش واحذر تشوف الناس بعيون الأدناس حتى تفرّق الحراير من الخيش موج البحر ما يكسره كل غطاس ويكسر خشوم النايفات أشقر الريش