ضيقة البال

اشكي عليك الحال لو ما تشوفه وشكواي لله منك يا ضيقة البال جمر بلعته والرضا من وصوفه قلب عليه من اشهب اللال نزال اكتب شعر صادق واترجم حروفه وازايم الضيقة وجرحي والاهوال والعين يلحقها الوجع والكلوفه دمع على محجر عيوني ومازال عيا من الرهبه يصافح كفوفه لا الدمع راحمني ولا محجري سال يلوفني حر على الكبد لوفه لوفه سموم القيض في وقت الا محال واسكت حيا لو كان نفسي عيوفه وابلع مرار الوقت من دون مكيال عسى الصبر فيما جرى لي مروفه وعساي بعد الجدي عن هرج وجدال هذا القدر واللي علينا صروفه وهذي دواير حظي اللي معه مال يا قلب لا تحزن هذي لك بروفه والا اختبار من الله الواحد العال لانحت به الاقدار قل معروفه ولا اقبل كما غيث من المزن همال لاجل الظروف اللي ما فيها نكوفه ولاجل الغلا واللي عن القاع قد مال ولاجل الذي قفى وقفت طيوفه ولاجل الذي ما كان في بعد ووصال ولاجل الرضا واللي تمكن بجوفه لاباس لو منها تجي ضيقة البال