الدمع ماهو عيب والحزن المرير
دام المواجع عرّضت لي زايره
الجرح في جوفي تحداني كثير
ومابيني وبينه تدور الدايره
مكتوب ماهو بـْاختياري واستخير
خلف الضلوع العوج نفسي حايره
القلب يحزن والوجع خالي ضمير
والضيق ضيف يحدني واسايره
لو جارت الدنيا وتعبّني المسير
احسب حساب الكايده والجايره
صحيح موجوعه ولكنّي بخير
ساقي صحيحه والخطاوي سايره
قمة جبل والهم في صدري سفير
والجرح يبقى والخناجر غايـــره
