يالله يالمطلوب يا والي الامر
ياواحد من فوق عرشه معتلي
علاٌم ماعبدك يكنه بالصدر
ياربنا الخالق ولا غيرك ولي
انك تعين العبد لامنه صبر
ولضيقته ياربي انك تسهلي
وتغفر ذنوبه لاوزا وسط القبر
ونوره ياربي وعتمه ينجلي
من بعدها واللعب جاله محتضر
ببيوت شعر مثل ورد سفرجلي
من مهجتي باعدها للي حضر
من ربعنا واللي حضر في المحفلي
الطيب بيٌن والردى ماهو يسر
ومدح الرجل ويش من يمينه حصلي
احدٍ على ربعه كما وصف المطر
غيث لهم يوم السما ماتهملي
على ربوعه كنه الغصن الخضر
والآ البحر اللي يحمل المحملي
ولا كبرت الدعوى مع ربعه هدر
مثل الجمال اللي تشل المنقلي
هذا سلامي له على خشمه قدر
يستاهل العليا حصان يصهلي
اطعن وغيرك ينشرون الك الخبر
وكلٍ على طيبه وفعله ينفلي
الطيب يبقى مثل نقشٍ في الصخر
في صفحة التاريخ دوم مسجلي
والآ الردي عسى حياته في دهر
وعسى دياره في وجوده تمحلي
لا نافع نفسه ولا حاش الفخر
ويش ينبغابه جعله روحه تذبلي
شكله عسى ربي يقصر في العمر
وعسى عروسه فيه تلقا مبدلي
يابنت شومي للرجال اهل الظفر
وكبي ردي الخال ماهو يجملي
حتى عيالك ينفعونك في الكبر
في مقبل الايام يشفيك الشلي
هذي علومي قلتها وجهة نظر
وعديتها للي فهم في مزملي
والشرح شفي اقصره في مختصر
والهرج خيره وزبدته مايطولي
وصلوا عدد من حج بيته واعتمر
على رسول الحق دينه كملي
