خذ الكلام اللي عن الصدق ينبيك
نصيحةٍ ما قالها كل شاير
مادام ربك يا احمر العين معطيك
لاتعرض الندّر بسوق الخساير
الصمت في بعض المواقيف يكفيك
عن كلمةٍ يصدح بها كل باير
اللي عليك مصوبٍ بالتماتيك
يضحك وهو دمه من الحقد فاير
عليك باللي ماتخيّب هقاويك
في ساعة شده حزام وذخاير
روس الرجال اللي على الحق تهديك
قطاعة الفرجه نظاف السراير
اللي مباديهم توافق مباديك
الله خلقها مع بعضها نظاير
لا جيت بالجزله تثمن معانيك
واحساسهم سربٍ مع الشعر طاير
