تبي تعـرف قـدر حبي وكم قلبي عليك يذوب
ولالي حيلةٍ عنّك غرامك في شراييني
تبي تعرف قدر شوقي وأنا عقلي معك مسلوب
أشّرع لك أنا قلبي وتزهر بك بساتيني
تعال وبعثر اضلوعي تشوف ان الغلا مكتوب
أحبك قالها قلبي بـكت من اجلها عيني
انا محتاج أسولف لك وعن حبك حشا ما توب
عـليك الله وامانة مانسيتك لا تعنيني
انا من لي بهالـدنـيا سواك اللي ملكت قلوب
كثر خوفي كثر حزني حرام انك تجافيني
انا بـتـبعك يا خـلي ولو طالت عليّ ادروب
مهما البعـد عـذبني دخـيلك لا تخليني
انا باقي على عـهدي وفا وخلاص يالمحبوب
لجل عينك تحملت العـنا والهم كاويني
