@ ما اسمك؟
ـ بشاير فواز.
@ وش معنى اسمك؟
ـ يعني جاي من اسم بشار النحله.
@ ش تعرفين عن الحاسب الآلي؟
ـ اسمه كمبيوتر مو حسابه هو اللي نلعب عليه.
@ عندكم زيه في المدرسة..؟
ـ عندنا ونلعب به لعبة الكيك وكل ما احصل على اربع نجمات يقولون عيدوا من الاول مايغيرون هاللعبة بس يتحكمون فينا.
@ تعرفين ليش تطلع الشمس؟
ـ عشان الناس يقومون من النوم.
@ والقمر تعرفينه وش يتكون منه؟
ـ مادري بس هو زي اللمبة مرة كاملة ومرة ناقصة يمشي معانا عشانه يحبنا وبيشوف وين نروح..
@ نقدر نروح للقمر..؟
ـ لا مانقدر.
@ ليه؟
ـ عشان ماعندنا جنحان زي العصافير.
@ مانقدر نروح له بالطيارة؟
ـ لا لانه بعيد مرة ويخلص البنزين وحنا ماوصلنا.
@ تحبين السمك؟
ـ احبه واجد عشانه يعيش بالبحر.
@ طيب ليه هو يعيش بالبحر وهو مالح؟
ـ عشان هو يحب الملح ولما حنا نأكله يصير فيه ملح.
@ تعرفين تصلين يابشاير؟
ـ ايه.. اصلا اللي مايصلي كافر واللي يصلي مسلم.. صح.
@ من هو رئيس فلسطين؟
ـ اعرفه اللي يلبس غترة مادري شماغ رصاصي ويتكلم واجد.. شسمه.. ياربي ايه عرفته عرفات..!!
@ ومن هو محمد الدرة؟
ـ الولد اللي طلع في سبيس تون وهو متخبي ورا شيء مع ابوه هو مات صح.. ذبحه كلب اسرائيلي.
@ تعرفين تطبخين؟
ـ ايه اعرف الكيك.
@ طيب وشلون يسوونها؟
ـ نحط طحين وعليه مويه ونعجنها نضرب فيها وبعدين نحط سكر.. بعد انا اعرف اسوي البيض.
@ قوليلي شلون؟
ـ هاذي عاد اسهل شيء نكسر البيضة ونحطها في المقلى ونحط عليها ملح ونخليها شوي بعدين ناكلها.
@ من وين نجيب البيض؟
ـ من الدجاجة تولد بيضات واجد ويطلع منها صوص الا بيض الثلاجة مافيه صيصان.
@ وشلون الصوص؟
ـ اصفر واحمر وبنفسجي.
@ ليه فيها لون بنفسجي واحمر؟
ـ هي لقت الوان مدري وين بس شفتها وبعدين طبت فيها وتلونت وصارت تدور كثير الين نشفت وبعدين مسكها راعيها.
@ رحتي مكه؟
ـ ايه لازم الواحد يروح هناك.
@ تعرفين وش يعني الكيماوي؟
ـ ريحة الدخان وسيارة الفليت.
@ وش الفرق بين الالوان المائية والزيتية؟
ـ المائية زي المويه والزيتية زي الزيت الملون.
@ عندك اصدقاء تحبينهم؟
ـ ايه اميرة عشانها اول ما اجي بيتهم تقول لامها تجيب لي بطاطس وتخليني العب بلعبتها.
@ واختك تحبين تلعبين معاها؟
ـ أأأ شوووي لانها دعله وتقول لا لا لا لا تلعبين بالعابي.
@ تعرفين وش لون تمشي السيارة؟
ـ تمشي كذا ط ط ع ع ع ع ن
@ طيب الصاروخ؟
ـ مانقدر لان الصاروخ لما يروح فوق ينفجر زي الالعاب النارية.
@ اذا كبرتي وش تبين تصيرين؟
ـ ولا شيء زي ما انا.. بس ابي اسوي بيتزا وشورما.
@ يعني طباخه؟
ـ لا.. الشغالة هي الطباخة.
@ طيب وش الفرق بين المايونيز والكاتشب؟
ـ الكاتشب احمر وفيه طماطم وحلو والمايونيز هو الخس الابيض يطحنونه وكلهم ما فيهم ملح..
@ تعرفين وين هي امريكا؟
ـ هذيك اللي طاحت عمارتها الطويلة وتحارب العراق الشقيق .
@ من هو رئيسها؟
ـ يقولون اسمه هوش ما ادري حوش.
@ والناس فيها حلوين والا اشرار؟
ـ كلهم اشرار يطقون الاطفال ويقطعون يدينهم.
@ اخر شئ وش تحبين تقولين؟
ـ اسأليني من اللي يفرش اسنانه ومن اللي مايفرش؟
جاوبيني.. يارا ماتفرش وانا واخوي شوي فرشه مرة ايه ومرة لا..
