فاطمة بدر الدوسري

ما اسمك؟ - فاطمة بدر الدوسري وش اكثر لعبة تحبينها؟ - المرجيحة واخوي يحب يلعب سباق سيارات وسيكل تروحين الروضة والا المدرسة؟ - لا روضة ولا مدرسة! اجل وين تروحين؟ - مع ماما لمدرسة تحفيظ القران وش يسون هناك؟ - يقرأون القران ومع مين تلعبين في مدرسة تحفيظ القران؟ - مع بنية اسمها شهد وبرى المدرسة؟ - مع الجيران (متعب) و (عبودي) تحبين الاكل؟ - ايه..احب اكل مكورنة كثير تعرفين تطبخينها؟ - لا ما اعرف اطبخ ولا شيء بس هم يحطون عليها دجاج تعرفين يعني ايش الحرب؟ - يعني الاخبار طيب وش تشوفين؟ - ناس مساكين كلهم دم زي فلسطين تعرفين محمد الدرة؟ - الولد اللي ذبحوه وراء ابوه من اللي ذبحه؟ - واحد كلب تلعبين مع بابا؟ - بابا يشتغل! وين يشتغل؟ - هنا قريب من البيت وش اسم شغله؟ - ما ادري بس هو قريب انا قد رحت معه وشفته لما تكبرين وش تحبين تصيرين؟ - عروسه وش معنى العروسة؟ - اللي تلبس فستان مرة حلوة والناس تقول الله حلوة وبعدين؟ - بعدين يا صرت عجوز احب اروح الجنة وين تحبين تروحين؟ - الكورنيش والملاهي حلو الكورنيش؟ - مرة حلوة بس فيه قطاوة واجد يمكن هو بيتهم تلعبين مع بابا والا ماما اكثر؟ - شوي مع باب وشوي مع ماما اي لعبة؟ - لعبة اليدين وبابا دايم يغلط بس ماما شاطره تعرف تلعب عدل تحبين الاولاد والا البنات؟ - احب البنات.. والعب معاهم في مدرسة تحفيظ القران والاولاد؟ - بس (عبود) و (متعب) عشان يحبوني وما يضربوني طيب آخر شيء وش تقولين؟ - اقول السلام عليكم مثل اللي بتحفيظ القران آخر شيء يقولونه يا اطلعوا.