مـــــــلاقيف!!

نص تفعيلة اجاد صياغته الشاعر ناصر العتيبي نشر قبل عامين عبر هذا الملحق ولأن واقع الصحافة الشعبية لم يتغير فاننا لا نجد حرجا في اعادة نشر هذا النص اللاذع ! احشمونا 00 وابعدوا عنا السخافه وارحمونا 00 من ملاقيف الصحافه وسامحونا 00 لانطلقنا من قيود الحب وقيود اللطافه كلكم شعار و (( الشاعور )) دايم عادته رفع الكلافه ليه دايم كل ما اتصفح مجله ؟ أو جريده ؟ أنصدم بالفعل من أول الى آخر قصيده لا هدف واضح ولا معنى ولا جمله مفيده ليه ذاك الشاعر المغرور ( س ) ؟ نجامله ونقبّل ايده ؟ ونرتجيه يمدنا بآخر جديده يا لقافتنا لقافه !! رغم قبح اللي يقوله لو نقول القول قوله نخدع أذواق البشر ونقول ( مبدع ) جاب له فكره جديده ليه سمينا تخاريفه خرافه ؟! وليه ذيك اللي حلاوة صوتها قصه قصيره ؟ الهنوف اللي سوالفها مثيره ليه نخدعها وننفخها وهي ( لسّع ) صغيره ؟! لين ( سبّت ) والديها وقالت انتم ما احترمتوني وانا شاعره فذّه خطيره وهي ( حبيبه ) بس لو للشعر أخيره صارت البنت الأخيره ريحونا الله يريحكم 00 تعبنا غلق الصبر وكتبنا ما بقى شيٍ نخافه ألف صفحه وألف شاعر ما يعَكءسون المشاعر لا 00 ولا ربع الثقافه شاعرٍ دمه ثقيل مثل دم ( ابن عقيل ) وشاعرٍهمه ثقيل ساهرٍ يشرب جفافه يشتكي من ليل ليلى 00 آه يا ليل الأرق ذاب صبره 00 ذاب عمره فالمحبه واحترق وآآآه يا بعد المسافه بين هاللي يجمعون الحزن في سلة معاني وبين ناسٍ ما تعاني 00 ويا حسافه هذا شعر آخر زمن وهذي هي آخر سخافه