طار الحمام

قصيدة رثاء في الشاعر والصقار/ حمد بن قريان الخويطر العجمي- رحمه الله طار الحمام وطاحت اوراق الاغصان والوقت مهما زان فيه اختلافي يا نشرة الاحزان بثي لي احزان في وجه حزني بصمتي واعترافي اعزي العجمان قبل القريان على حمد والموت حقٍ يشافي عز الله انه مات للطيب عنوان اللي على كل المواجيب وافي له عند صدقانه وروس العرب شان شاعر ومبدع بالقصيد احترافي له سيرةٍ ما تنتعوض بالاثمان عزيت فيها كل قرمٍ سنافي عزيت جملا فيه والطير شقران عزيت نور ٍعقب ما مات طافي يبكيه جزل الشعر في كل ديوان يبكنّه بحوره وصعب القوافي يبكيه دعو الطير حزة مسيان تبكيه سجات القنص بالفيافي يبكيه نجم سهيل لا غاب وان بان اللي على الصقار ما هوب خافي يالله عسى الفردوس له حضن وامان لا جاء نهارٍ فيه الانسان حافي