تغني ياشواطي مملكتنا وابدي الافراح
وُزفي باقة الترحيب بالكمبود مزحومه
من الخفجي ليّا سلوى على مد الخليج وشاح
تعلت في فضاء الدمام للتبهيج منظومه
زيارة خادم البيتين زادتنا عطاء وارباح
مليك الجزم سلمان الحزم يامطيّب قدومه
زعيمٍ ماتوفيه القصايد في ثناء وامداح
مساحات الولاء له في قلوب الشعب مرسومه
خذينا منّهْ عنوان الشجاعه والوطن مرتاح
تمَاسك دوم ويدين الأمن والشعب ملحومه
قراراته على اهداف الصواب وغيرها ينزاح
جهوده واضحه لمساتها ماهيب معدومه
