لآلئ شعرية

سعد بن حبشان

سَرَينا على وضح النقا والقلوب البـِيض

ولو ان ظروف الوقت ماهيب مستويه

وكتبنا على بـِيض الورق من جداد الهَيض

قرايح خفوق ٍ بالصواديـف مكتويه

أجدّد الامل واقول قفـّت نجوم القيض

وأسُوق القدَم والنفس ماهيب مهتويه

أشوف السعَد يضحك واشوف الدموع تفيض

ولا ادري وش نفوس الرجاجيل محتويه

يرِيض الشقا في الصدر والعمر كيف يرِيض

تطوف السنين وسكـّة الحظ ملتويه

سعد بن حبشان يونيو 14, 2014, 6:05 ص