==1==
انتهى ليل حزني وابتدى يومه ==0==
==0==والمشاعر تردد كل موالي
فرحة العيد عنها النفس محرومه==0==
==0==يكفي اشوفها بعيون الاطفالي
فرحتي ودّعت والصدر بهمومه==0==
==0==واكثر الناس ما فاله على فالي
اتأمل واشوف ارزاق مقسومه ==0==
==0==وأدري أن الزمن ماحقق آمالي
بس لاشفت لي براق ديمومه==0==
==0==مقبله مقبله والبرق شعالي
السما من سحابه غابت نجومه==0==
==0==وأشهد أن القمر والليل يحلالي
نفحته ورد مدري ريح يشمومه==0==
==0==عانقتني قبل تسأل عن احوالي
ويوم هل المطر واسقتني غيومه==0==
==0==يرخص الشعر كله في طلب غالي
مرحبا والقوافي فيك منضومه==0==
==0==من تقهويت عشقك وسط فنجالي
خلي الطرف يسهى عن حلو نومه ==0==
==0==واقري أعذب قصيدي واجمل امثالي
وانثريني شتاتً ضاقت هدومه==0==
==0==واجمعيني عن احزاني وغربالي
عاشقك والهوى ذكراه محمومه==0==
==0==ويمكن اليا صفالك يوم يصفالي
عاذلي عنك والله ما اسمع علومه==0==
==0==الحسد عارفه بقلوب الانذالي
لكن الحر عنهم يبعد الحومه==0==
==0==وماكره طول عمره منزلٍ عالي
والهوى اللي يهين الرجل ويلومه==0==
==0==يشهد الله مايطري على بالي
وانتي اصلاً مقامك فوق محشومه==0==
==0==وقدرك اكبر من اهل القيل والقالي==2==
